Жамбыл облысы әкімдігінің білім басқармасы Шу ауданының білім бөлімінің
«Бауыржан Момышұлы атындағы орта мектебі» КММ
МЕНЮ
Қызметі
ҚР Мемлекеттік рәміздері
Мектеп директоры
Бауыржан Момышұлы атындағы орта мектебінде Мұғалімдер күніне орай "Дублёр күні" аталып өтті.
Дублёр күні – оқушыларға мектеп әкімшілігі мен мұғалімдердің жұмысын уақытша атқарып көруге мүмкіндік беретін ерекше күн. Бұл күннің мақсаты – оқушылардың жауапкершілігін арттыру, көшбасшылық қабілетін дамыту, мұғалім мен мектеп ұжымының еңбегін бағалауға үйрету.
Дублёр күні оқушылар директор, директордың орынбасары, мұғалім, тәлімгер, кітапханашы секілді қызметтерді бір күнге өз мойнына алып, сол рөлді атқарады.
Дублёр күні оқушыны:
- жауапкершілікке тәрбиелейді
- шешім қабылдай білуге үйретеді
- ұжыммен жұмыс істеуге дағдыландырады
- кәсіби бағдар береді.
- Аға тәлімгер: Қораласбай Н. Ж.
Бауыржан Момышұлы атындағы орта мектебінде "Қыз болмысы – ұлт айнасы" тақырыбында қыздармен жиналыс өткізілді.
«Қыз болмысы – ұлт айнасы» деген сөз – қыз баланың тәрбиесі мен мінез-құлқы бүкіл ұлттың мәдениетін, деңгейін, болмысын көрсететінін білдіреді.
Қыз – ананың жалғасы, болашақ отбасының ұйытқысы, ұлттың абыройы. Қыз бала тәрбиелі, ізетті, ұқыпты, сыпайы болса – сол арқылы елдің де тәрбиесі көрінеді.
Сондықтан қыз тәрбиесі – ұлттық тәрбие жүйесінің маңызды бөлігі.
Қыз бала қандай болу керек?
✅ Инабатты, ибалы бол
✅ Үлкенге құрмет, кішіге ізет көрсет
✅ Сөзге ұстамды, қылыққа сыпайы бол
✅ Тазалық пен ұқыптылықты ұстан
✅ Ұлттық құндылықтарды қадірле
✅ Өз абыройыңды жоғары қой
✅ Жел сөзден, жеңіл мінезден аулақ бол
✅ Білім мен өнерге ұмтыл
Ұмытпа!
Сенің жүріс-тұрысың, сөйлеуің, киімің – ұлттың айнасы.
Қыз тәрбиесі – болашақ ұрпақ тәрбиесінің бастауы.
Ұйымдастырушы тәлімгер: Қораласбай Н. Ж. Психолог: Базарбекова Ұ. Ж., Рустамова Ф.
#біртұтас_тәрбие
Бауыржан Момышұлы атындағы орта мектебі атын иеленіп отырған, Даңқты қолбасшы, Кеңес Одағының Батыры, Халық қаһарманы Бауыржан Момышұлының туғанына 115 жыл толуына орай, «Ұшқан ұя ұлағаты» тақырыбында тарих пәнінің мұғалімдеріне аудандық 10.10.25 ж. күні тәжірибелік семинар болып өтті.
Семинардың мақсаты: Білім мен тәрбие беруде қазақ халқының мақтанышы, даңқты қолбасшы, майдангер жазушы Б.Момышұлының рухани мұрасындағы ұлттық құндылықтарды насихаттау арқылы жас ұрпақты елжандылыққа, отансүйгіштікке тәрбиелей отырып, бойларына адал азамат қасиеттерін дарыту, ұлттық патриотизмді қалыптастыру.
Семинарға аудан әкімінің орынбасары Naiman Sultanbaev Кенжеханұлы, аудандық маслихат депутаты Сұлтанғазиев Мақсат Лесханұлы, Шу Білім Бөлімі әдіскерлері К.Садыгулова және А.Асқарбек , мектебіміздің ардагер ұстаздары, ардагер ұстаздары және Жаңа Жол Ауылдық Округі әкімі Дархан Алипбаев Бұқарбайұлы қатысты. Семинар үш бөлімге бөлінді. Келген қонақтар мектеп ауласындағы батырдың ескерткішіне гүл шоқтарын қойып, Батырды 1 минут үнсіздікпен еске алды.
«Қазақстан егемен елім!» әнін мектеп оқушылары хормен шырқады. Одан ары қарай «Қарумен саптық тәсілдер мен қозғалыстар» көрсетіліп, 4 сыныптың оқушылары «Батырлар» биін билесе, мектебіміздегі "Әжелер мектебі" мүшелері К.Әзірбаевтың "Ой, жайлау" әнін шырқады.
Пленарлық бөлімде Бауыржан Момышұлының өмірінен бейнебаян көрсетілді.
«Бауыржан Момышұлы – ұлттың ұлы қолбасшысы» Оралжан Масатбаев, тарих ғылымдарының кандидаты, «Бауыржан Момышұлының мұрасы-Әділетті Қазақстанның кәусар бұлағы» жобасының жетекшісі
ZOOM форматында қосылды. Күні кеше ынтымақтастық туралы келісім шартты іске асыру аясында
«Бауыржан Момышұлы мұрасының тәрбиелік мәні» тақырыбында Алматы қаласы Б. Момышұлы атындағы 131 мектеп-лицейінің тарих пәнінің мұғалімі, Б.Момышұлы мұражайының жетекшісі К.Иембердиева онлайн трансляция арқылы қосылып, баяндамасын оқыды.
«Ұлттық патриотизмді қалыптастырудағы Бауыржан Момышұлының рөлі» Е.Бексултан Тарих пәнінің мұғалімі, «Ұшқан ұя – жас ұрпақ үшін өнеге мектебі» Ж.Аубакирова Қазақ тілі мен әдебиеті пәні мұғалімі өз баяндамаларын оқыды.
Ары қарай, «Ұрпаққа өшпейтін із қалдырған ұлы тұлға» тақырында атамыздың өмірі жайында көрініс көрсетілді. Мектеп мұражайымен келген қонақтарды таныстырды.
Практикалық бөлімде дебат сабағын тарих пәнінің мұғалімі М.Джафарова «Наследие Момышулы: Сила оружия или сила слова",«Ұшқан ұя – ерлік пен елдіктің белгісі» тәрбие сағатын бастауыш сынып мұғалімі М.Шакирова,
«Батырлық пен ерлік символы- Бауыржан Момышұлы» қазақ тілі мен әдебиеті пәні мұғалімі А.Рахимова, «Участие казахстанцев в сражениях ВОВ» тарих пәнінің мұғалімі Т.Мирзаева, «ЖИ сабақтарда қолдану» А.Сагинбекова коучинг өткізді. Семинарға қатысқан әріптестерге Шу ауданы білім бөлімінің басшысы Ж.Жазықбаевтың арнайы сертификаттары табысталды.
Семинар соңында Батырды еске алу мақсатында мектеп ұжымы “Күнту баба” мешітінде жүз адамға арнап ас берді.
#біртұтас_тәрбие
🔰Шу ауданының білім бөліміне қарасты Бауыржан Момышұлы атындағы орта мектебінде 2025 жылдың 11 қазан күні "Санитарлық - тазалық акция" аясында Экологиялық мәдениетті қалыптастыру, "Адал адам-Адал еңбек-Адал табыс" патриотизм құндылықтарын дәріптеу, сондай -ақ қоршаған ортаға ұқыпты қарау мақсатында жалпы сенбілік ұйымдастырылды.
"Адал адам – адал еңбек – адал табыс" – бұл еліміздің басты құндылықтарының бірі саналатын еңбек пен адалдықты насихаттайтын ұғым.
Адам адал болса – еңбегі таза, ал еңбегі таза болса – табысы да әділ болады. Бұл – жеке тұлғаның ғана емес, қоғамның да дамуына жол ашады.
✅ Адал бол – шыншылдық пен әділеттілікті ұстан
✅ Адал еңбек ет – міндетіңді шын ниетпен орында
✅ Адал табыс тап – еңбегіңнің өтеуі таза жолмен келсін
✅ Жалған сөйлеме, алдамшы әрекеттен аулақ бол
✅ Еңбекқор бол, жалқаулықтан бойыңды аулақ ұста
✅ Өз ісіңе жауапкершілікпен қара
➡ Адал адам – елге үлгі
➡ Адал еңбек – қоғамның тірегі
➡ Адал табыс – берекелі өмірдің бастауы.
© 2025 Жамбыл облысы әкімдігінің білім басқармасы Шу ауданының білім бөлімінің «Бауыржан Момышұлы атындағы орта мектебі» КММ