Облыс мектептерінде ұйымдастырылып жатқан құқықтық бағыттағы тәрбиелік кинокөрсетілім бүгін де өз жалғасын тапты. Іс-шара «Адал азамат» біртұтас тәрбие бағдарламасының «Заң және тәртіп» айлығы аясында өткізілуде.
Кинокөрсетілім барысында оқушыларға «КІТАП БЕТБЕЛГІЛЕРІ ЕМЕС» («НЕ КНИЖНЫЕ ЗАКЛАДКИ») және «ХУЛИГАНКА» атты қысқаметражды көркем фильмдер ұсынылды. Аталған фильмдер жасөспірімдерді заң талаптарын сақтауға, өз әрекеттеріне жауапкершілікпен қарауға және қоғамдағы тәртіптің маңызын түсінуге бағытталған.
9-11 сыныптар арасында өткізілген кинокөрсетілімге фильм мазмұны бойынша ашық пікір алмасу ұйымдастырылып, құқықтық оқыту, проблемалық сұрақтарды талқылау және ортақ тұжырым жасау жүзеге асырылды.
Айта кетейік, басталған бұл кинокөрсетілім облыс аумағындағы барлық білім беру мекемесінде ұйымдастырылып, оқушылардың құқықтық сауаттылығын арттыруға бағытталған.